Category Archives: Ձմեռային ճամբար 2021

💃🏻 Ձմեռային ճամբար 2021 — Օր 14 (վերջին) 🐎

Այսօր շատ լավ ու երևի ամենահավես ճամբարային օրերից մեկն էր։

Առաջին ժամին մենք պատրաստում էինք աղի բլիթներ, քանի որ վաղը լինելու է Սուրբ Սարգսի տոնը։ Շատ հետաքրքիր է։ Ասում են, որ եթե գիշերը այն ուտես և միանգամից քնես երազումդ կտեսնես քո ապագա ամուսնուն։

Հետո մեր մոտ ազատ ժամ էր։ Իսկ երրորդ ժամը կավագործություն էր։

Հետո մենք գնացինք հյուսիսային դպրոց։ Այնտեղ նկուղը վերանորոգել և դարձրել են գեղեցիկ փոքրիկ այդպես ասած գործարան։ Մեզ այնտեղ հյուրասիրեցին և շատ բաներ պատմեցին։

Հաջորդը ազատ ժամ էր։ Իսկ վեցերորդ ժամին մենք գնացինք ագարակ և այնտեղ շատ հավես մեդիաուրբաթ արեցինք։ Բոլոր դպրոցներից երեխաներ և ուսուցիչներ եկան և բոլորով պարեցինք, երգեցինք։ Ես չեմ հասցրել նկարել մեդիաուրբաթը, բայց երկարօրյայիս ուսուցչուհին նկարել է։

Ես նաև ձիու վրա քշեցի մեդիաուրբաթից հետո։

Իսկ երբ մեծ մասը գնացին ես և իմ ընկերուհի Մարիան գնացինք ագարակի շներին և թռչուններին նայելու, իսկ հետո մտանք ագարակի ներս։ Այնտեղ շատ սիրունիկ ձիեր, այծեր, պոնիներ և իշուկներ կային։

Մեդիաուրբաթից հետո հետ գալուց տեսանք այդպես ասած խաղահրապարակ և 15 րոպե մոտավորապես խաղացինք։

Այսպես վերջացավ ձմեռային ճամբարի վերջին օրը։

🏓 Ձմեռային ճամբար 2021 — Օր 13 🧶

Այսօր շատ լավ անցավ։

Առաջին ժամը մեզ մոտ մետաքսագործություն էր։ Մենք տպեցինք հատուկ ներկերով սիրուն թռչունների պատկերներ։

ՏԵՍԱՆՅՈՒԹԸ

Ժամը 11:00 եկավ իմ մայրիկը և իմ ճամբարի աղջիկներին սովորեցրեց թաղիքագործությանը։ Դա շատ հետաքրքիր գործ է։ Դրա ժամանակ պետք է հատուկ գունավորված բրդից իրեր պատրաստել՝ ականջօղեր, թևնոցներ, վզնոցներ և այլն։

Այդ ամենը տևեց երկու ժամ։

Հետո գնացինք հաց ուտելու, իսկ վերջին երկու ժամը ֆիզկուլտուրա էր։ Սակայն քանի որ մեր ֆիզկուլտուրայի ուսուցչուհին ճամբորդության էր մենք գնացինք և խաղացինք սեղանի թենիս։ Շատ ծիծաղացինք, քանի որ ոչ մեկս լավ չգիտեինք խաղալ և գնդակը անընդհատ թռնում էր դես ու դեն։ Շատ զվարճալի էր։

🤸🏼‍♀️ Ձմեռային ճամբար 2021 — Օր 12 🎼

Ընդհանուր պարապունքից հետո մեզ մոտ առաջին ժամը երգ էր: Հետո մենք գնացինք յոգայի, որի ժամանակ մեր ուսուցչուհու հետ մարզվեցինք՝ տաքացանք և սկսեցինք բոլորով խաղալ։ Այնտեղ կային առաստաղից կախված պարաններ, որոնցից մենք բռնվում էինք և ճոճվում։ Յոգայից հետո գնացինք ընտրության: Երկար դասամիջոցն եկավ, իսկ հետո նախագիծ: Նախագծի ժամանակ դասարանով խաղացինք Զիլ Զառ խաղը։ Այդ դասն էլ վերջացավ և ես գնացի երկարօրյա։

🤖 Ձմեռային ճամբար 2021 — Օր 11 🎃

Ընդհանուր պարապունքից հետո գնացինք ռոբատ X-ի և այնտեղ ուսուցիչը շատ հետաքրքիր բաներ պատմեց: Հաջորդը մեզ մոտ թվային նկարչություն էր և այդ դասի ժամանակ ուսուցիչը ցույց տվեց, թե ինչպես նկարել համակարգչով՝ թվային նկարչություն։ Դրանից հետո գնացինք պարի դասընթացի, իսկ հետո ազատ ժամ էր: Դրանից հետո երկար դասամիջոց էր, իսկ հետո տեխնոլոգիա էր: Մեր դպրոցում մոտենում է դդմի տոնը և այդ պատճառով տեխնոլոգիայի ժամին մենք թղթից դդումներ պատրաստեցինք:

Տեխնոլոգիայից հետո ես գնացի երկարօրյա։

🚀 Ձմեռային ճամբար 2021 — Օր 10 🍕

Արդեն շաբաթվա վերջին օրն է։ Ընդհանուր պարապմունքին մենք ինչպես միշտ պարեցինք և երգեցինք, իսկ դրանից հետա մնացինք մարմարյա սրահում մեդիաուրբաթի պարերը և երգերը կրկնելու։ Բայց մեր ճամբարի աղջիկներից մի մասին շուտ թողեցին, որպեսզի մենք պատրաստենք պիցցա։

Ես, Մարիան և Անահիտը բոլորից փող հավաքելուց հետո գնացինք դպրոցի կողքի մթերային խանութը և ամեն ինչ գնեցինք պիցցայի համար։

Հետո սկսեցինք պատրաստել։

Ահա տեսանյութը

Դրանից հետո գնացինք դպրոցի աստղադիտարան և հատուկ մեծ փուչիկի մեջ դիտեցինք մոլորակների և ընդհանրապես տիեզերքի մասին ֆիլմ։

Ահա տեսանյութը

Երբ եկանք դպրոց երկար դասամիջոցն էր սկսվել և մենք կերանք։ Ժամը 13:40 գնացինք մարմարյա սրահ, իսկ ժամը 14:00 մենք սկսեցինք մեդիաուրբաթը: Դրա ժամանակ դպրոցներից երեխաներ էին եկել։ Բոլորը երգեցին և պարեցին, ինչպես նաև մենք: Հետո սովորողներին մրցանակներ տվեցին և մի փոքր էլ պարեցինք: Մեդիաուրբաթը 15:20 վերջացավ և ես գնացի երկարօրյա։

✏️ Ձմեռային ճամբար 2021 — Օր 9 🦄

Այսօր հինգշաբթի է։ Ընդհանուր պարապմունքից հետո մենք մնացինք դահլիճում և մեզ սովորեցրեցին երգեր և պարեր մեդիաուրբաթի համար։ Հետո մենք գնացինք քոլեջ և մեզ ուսանողները սովորեցրին սահատետր պատրաստել։ Շատ հետաքրքիր գործ է և զվարճալի։ Հաջորդը ընտրության դաս էր։ Դրանից հետո մեր մոտ թվային նկարչության դասաժամ էր և այն շատ հետաքրքիր անցավ։

Այսքանով ավարտվեց իմ օրը։

ՍԱՀԱՏԵՏՐԵՐԻ ՕՐԻՆԱԿՆԵՐ

Grumpy Cloud FLIPBOOK - YouTube
DISINTEGRATING Flipbook - Mr Stark I don't feel so good - YouTube | Flip  book animation, Flip book, Flip book template

☞ Ձմեռային ճամբար 2021 — Օր 8 👍🏽

Այսօր իմ կարծիքով ամենազվարճալի օրերից մեկն էր։ Մենք արեցինք ընդհանուր պարապմունքը և դրանից հետո հավաքվեցինք ակումբում և մենք բոլորով գնացինք սահադաշտ։ Քայլելով էինք գնում, բայց շատ հետաքրքիր էր։ Ես իմ ընկերուհիների հետ լիքը խոսեցի այդ ընթացքում։ Երբ հասանք մեզ տվեցինք մեր ոտքի չափի չմուշկներ։ Դրանք դժվար էին հագնվում, բայց երբ բոլորը հագան մենք գնացինք սահադաշտ։ Այնտեղ ցուրտ չէր և ոչ տաք։ Սահադաշտում շատ զվարճալի էր։ Սկզբից մի քիչ դժվար էր, բայց հետո քշելը հեշտացավ։ Քշելուց հետո մեզ գնեցինք ավտոմատից ինչ ուզում էինք։ Ես գնեցի տաք շոկոլադ։ Սահադաշտ գնալը, գալը և սահելը տևեց չորս ժամ և մեր մոտ պետք է սկսվեր ֆիզկուլտուրայի դասը։ Մենք հետ եկանք տաքսիով։

Քանի որ մեր ֆիզկուլտուրայի դասատուն գնացել էր ճամբորդության կարելի էր ասել, որ մենք ազատ էինք։ Այդ ազատ ժամի ընթացքում ես և իմ ընկերուհին պատրաստեցինք մի հրաշալի և փոքրիկ ձնեմարդ։ Անունը Ֆրենկ ենք դրել։

Սակայն հինգ րոպե հետո այն քանդեցին ուրիշ երեխաները։