Այսօր շատ հետաքրքիր օր է։ Մենք պատրաստել ենք այսօր ծամակալներ։ Դա թվում է հեշտ, բայց լավ պետք է աշխատել լավ ծամակալ ստանալու համար։
Ծամակալի համար մեզ պետք կգա կտոր, ռեզին, թել և մանր ասեղներ։
Կտորը պետք է կտրել 50սմ երկարությամբ և 10սմ լայնությամբ։
Հաջորդը պետք է ռեզինը դնել ձեռքին և նույն ձեռքի չափսով կտրել։ Ինչպես թևնոցն եք հագնում։
Հիմա պետք է կտորը վերցնել և ծալել այնպես, որ 50սմ երկարություն լինի, իսկ լայնությունը 5սմ։
Ծալելուց հետո ամրացնում ենք փոքր ասեղներով։
Եթե ունեք կարի մեքենա ավելի լավ, իսկ եթե ոչ ուրեմն պետք է ինքնուրույն ասեղով և թելով կարել։
Թելը դնում ենք ասեղի մեջ և սկսում ենք երկարությամբ կարել՝ 5 սանտիմետրանոց անցքը թողնելով։ Կարելու ժամանակ գնալով ասեղները հանում ենք, որ չխանգարեն։
Երբ կարեցինք պետք է շրջել միջի մասը դեպի դուրս և կարերը այլևս չեն երևալու։
Այս անելուց հետո պետք է ռեզինի ծայրը բուլավկա մցնել և շարժումներով հանել մյուս կողմից՝ մի կողմը սկզբից բռնելով։ Երբ երկու կողմից ռեզինը երևում է պետք է ծայրերը իրար կարել։
Կարելուց հետո կտորի ոչ կարած մասերը՝ ծայրերը իրար ենք կարում։
Եվ ծամակալը պատրաստ է։
Նանե Խաչատրյան 