Վերհիշենք ածականն ու թվականը:
- Տրված բայերից կազմել ածականներ և ընդգծել ածականակերտ ածանցները:
- Վստահել-վստահելի, համակրել-համակրելի, բացատրել-բացատրելի,
- Դյութել-դյութիչ, գրավել-գրավիչ, հուզել-հուզիչ,
- Վախենալ-վախկոտ, ամաչել-ամաչկոտ, պարծենալ-պարծենկոտ:
- Տրված բառակապակցությունների իմաստներն արտահայտել ածականներով և ընդգծել ածականակերտ ածանցները:
- Յոթ գլուխ ունեցող-յոթգլխանի, երկու երես ունեցող-երկերեսանի, երկու փող ունեցող-երկփողանի,
- Եռանդով օժտված-եռանդուն, շատ բուրդ ունեցող-բրդոտ, գույն ունեցող-գունավոր, թևեր ունեցող-թևավոր,
- Մեծ ուժ ունեցող-ուժեղ, երեք տարի(ամ) տևող-եռամյա, տասը տարեկան-տասնամյա:
- Կետերը փոխարինել ածականակերտ ածանցներով:
- անկենդան, չկամ, չխոսկան, հայրական, կիսատ, փառավոր, վայրի, աղի, արևելյան, Երևանյան, ընկերական,
- կծու, ազդեցիկ, թրթռուն, հնչուն, խոհուն, դողդոջուն:
- Տրված տեքստին ավելացնել մտքին համապատասխանող ածականներ:
- Ֆլորիդայի հսկայական էլեկտրակայանի մի ուշադիր աշխատակցուհի պատմում էր. «Նոր ռոբոտը բարձրացրեց ամուր սեղմած ձեռքն ու սկսեց ուժեղ հարվածելով ինքն իրեն մասնատել»: Նա ականատես էր եղել ռոբոտի «ինքնասպանության»՝ աշխարհում առաջին նման դեպքին: Զարգացած էլեկտրոնային օգնականն ստեղծվել էր մեծ ատոմային էլեկտրակայանի ռեակտորներում տարբեր տեսակի բազմազան սև աշխատանքներ կատարելու համար: Ռոբոտը հավանաբար հոգնել էր իրենից, երբ ատոմակայանում որոշ ժամանակ աշխատելուց հետո իր համար հեռանկար չէր տեսել, կամ էլ, որն ավելի հավանական է, ուղղակի նրա սխեմայի մեջ անսարքություն էր առաջացել:
- Խմբավորել տրված թվականները (քանակական, դասական, բաշխական կոտորակային):
- Հարյուր քսան, երկու հինգերորդ, վաթսուն, երրորդ, յոթական, տասը, կես, չորրորդ, վաթսունմեկերորդ, իննական, քառասուն-քառասուն, մեկական, քառորդ, քառասուներորդ, մեկ երկրորդ, առաջին:
- Տեքստի թվականները բառերով գրել:
- Կալիֆոռնիացի 40-ամյա մի մարդ Միացյալ Նահանգները՝ Խաղաղ օվկիանոսից մինչև Ատլանտյան, ոտքով անցավ 99 օր 13 ժամ 13 րոպեում, 6 ժամով ավելի արագ, քան նույն տարածությունն անցած հայրենակիցը: Ճանապարհի երկարությունը 4904 կիլոմետր է: 1 օրում անցնում էր միջին հաշվով 50 կիլոմետր:
- Սխալ գործածված կամ գրված թվականները գտնել և ուղղել:
- Ութ տարում երեսուն ինն անգամ քննություն է հանձնել:
- Նրա հավանոցում երեքհարյուրվաթսուներկու թռչուն կա:
- Բոլոր երեխաներին վեց-վեցական մատիտ տվեցին:
- Քսանմեկերրորդ դարը նոր բացահայտումների դար է:
- Նրանց ամենաառաջին հանդիպումը այս տարի էր:
Նանե Խաչատրյան 