Ֆրանսիա և Գերմանիա

Նմանություններ և տարբերություններ

Ֆրանսիան Գերմանիայից տարբերվում է նրանով, որ այն ավելի շատ ունի ջրային ավազաններ: Ֆրանսիայում նաև տուրիզմը ավելի զարգացած է: Գերմանիան և Ֆրանսիան իրար նման են նրանով, որ երկուսն էլ գտնվում են Եվրոպայում, զարգացած երկրներ են, ունեն բարենպաստ կլիմա, զարգացած են արդյունաբերության ոլորտում, ունեն լավ հարևաններ: Երկու երկրներն էլ հարուստ են բնական ռեսուրսներով:

Տնտեսություն

Գերմանիա

Գերմանիան իր տնտեսական հզորությամբ աշխարհի չորրորդ երկիրն է՝ ԱՄՆ-ից, Չինաստանից և Ճապոնիայից հետո։ Գյուղատնտեսական հողահանդակները գրավում են երկրի տարածքի 35 %-ը։ Գերմանիայի գյուղատնտեսությունը 90 %-ի չափով ապահովում է բնակչության սննդամթերքի պահանջները։ Գյուղատնտեսության բազայի վրա զարգացել է սննդի արդյունաբերությունը։ Կենդանական յուղի և բուսայուղի արտադրությամբ Գերմանիան աշխարհում գրավում է երրորդ, Եվրոպայում՝ առաջին տեղը։
Արդյունաբերության ամենազարգացաշ ճյուղերն են ավտոմոբիլաշինությունը, ինքնաթիռաշինությունը, վագոնաշինությունը, էլեկտրատեխնիկան, օպտիկական և քիմիական արտադրությունը, դեղագործությունը, մետաղաձուլությունը։ Արդյունահանում են քարածուխ, նավթ, երկաթաքար, գունավոր մետաղներ, կալիումական աղ։

Ֆրանսիա

Ֆրանսիան աշխարհում առավել զարգացած երկրներից մեկն է: Ֆրանսիան Եվրոպայի համար ցորենի, կարագի, տավարի մսի, պանրի (ավելի քան 400 տեսակների) խոշորագույն արտադրողն է: Ֆրանսիայի առանձնահատկությունն այն է, որ ունի հացահատիկի մեծ մասնաբաժին, որը արտահանվում է տարբեր երկրներ: Արտադրանքի 50 % ստանում են անասնաբուծությունից: Ֆրանսիան օգտակար հանածոների զգալի պաշարներ ունի. երկաթի և ուրանի հանքաքարեր, բոքսիտներ, կալիումական աղեր և այլն: Դա նպաստում է հանքարդյունաբերության և ծանր արդյունաբերության զարգացմանը: Հիմնական ճյուղերն են՝ մեքենաշինությունը, քիմիական, ավիատիեզերական արդյունաբերությունը, ավտոմոբիլային արդյունաբերությունը, սննդի արդյունաբերությունը, ռադիոէլեկտրոնիկայի, ինֆորմատիկայի արդյունաբերությունը, նավաշինությունը, էլեկտրատեխնիկական և այլ ճյուղերը: