Ես ընտրել եմ Լևոն Նեսին, որպես հայ ժամանակակից գրող, քանի որ արդեն ծանոթ էի նրա երկու ամենահայտնի ստեղծագործությունների հետ, որոնք ինձ շատ դուր էին եկել և հետաքրքրել:
Լևոն Նեսը ծնվել է 1996 թվականի հունվարի 11-ին, Երևանում։ Սովորել է Երևանի թատրոնի և կինոյի պետական ինստիտուտում, կինոռեժիսորի և հնչյունային ընկերության մասնագիտությամբ, բայց չի ավարտվել։ Իր կամքով դուրս է եկել համալսարանից։ Հեղինակել է չորս գիրք՝ առաջին երկուսը ռուսերեն՝ «Шептун», «Фасад»: Վերջին երկու աշխատանքները հայերեն են. «Բալզակ. մի շան պատմություն» և «Ստախոսը»: «Բալզակ. մի շան պատմություն» վիպակը ճանաչվել էր տարվա բեսթսելլեր:
Լևոն Նեսը ժամանակակից հայ գրող է, ում գործերը անդրադառնում են մարդ-հասարակություն և մարդ-բնություն հարաբերություններին։ Նրա ստեղծագործությունները առանձնանում են սատիրիկ, հոգեբանական և փիլիսոփայական տարրերով։
Նրա «Բալզակ. մի շան պատմություն» վիպակում շան միջոցով ներկայացվում են հասարակական և էթիկական հարցեր, իսկ «Ստախոսը» վեպում քննարկվում են ինքնության, ճակատագրի փախուստի և ճնշումների ազդեցությունները մարդու վրա։
«Ստախոսը» վեպը հոգեբանական թրիլլեր է՝ առեղծվածի և անձնական պայքարի թեմաներով։ Վեպը հետևում է բարդ գլխավոր հերոսի, ով ընդունում է տարբեր ինքնություններ՝ խուսափելու իր անցյալից և նավարկելու իրականության և պատրանքի միջև ընկած ճանապարհը: Միախառնելով արկածը գերբնական ենթատեքստերի հետ՝ գիրքը ուշադրության է արժանացել իր յուրահատուկ պատմողական ոճի և բնավորության խորության համար: 2020 թվականին լույս տեսած «Ստախոսը» դարձել է հայ ժամանակակից գրականության նշանավոր ստեղծագործություն։
«Բալզակ. մի շան պատմություն» գիրքը նա գրել է, քանի որ շուրջը տեսնում է շատ դաժան վերաբերմունք շների նկատմամբ: Պատճառն այն է, որ մարդիկ չեն ընկալում, որ շունն ուղղակի ինչ-որ մսի կտոր չէ, կենդանի արարած է, մեզնից պակաս չէ, որոշ հարցերում էլ՝ առավել է, և իր նպատակն էր, որ ընթերցողը շան աչքերով նայի կյանքին: Գիրքը մանկապատանեկան հասակի անձանց համար է և շատ երեխաների մոտ առաջացրել է գիրք կարդալու ավելի մեծ ցանկություն:
Նանե Խաչատրյան 