Ընդհանուր պարապմունքին մենք ինչպես միշտ պարեցինք, երգեցինք և արտասանեցինք:
Առաջին երկու ժամերին մենք նկուղում բաց թողնված բաները լրացրեցինք:
Հետո մեզ մոտ պարի ժամ էր:
Հաջորդ ժամին մեզ մոտ եկել էր գորգագործության ուսուցչուհի, ով մեզ շատ բաներ պատմեց այդ աշխատանքի մասին:
Դրանից հետո մենք տուն կամ երկարօրյա գնացինք:
Ընդհանուր պարապմունքից հետո մենք գնացինք նկուղ` քիմիայի դասի։ Մենք կրկնեցինք քիմիայից մի քանի բան։
Հաջորդ ժամին մենք լրացնում էինք բաց թողնված աշխատանքները։
Դրանից հետո մեզ մոտ ընտրության դաս էր։ Վրացերենի դասաժամին սկզբից վրացերենը կրկնեցինք, հետո խմբով խաղեր խաղացինք։
Հաջորդը մենք գնացինք մարմարյա սրահ` միջոցառման։ Այնտեղ կրթահամալիրի բոլոր դպրոցներից երեխաներ, դասատուներ էին հավաքվել և մենք երգում, պարում, արտասանում էինք։
Դրանից հետո մենք տուն գնացինք։
Այս օրը երերկվա նման շատ հետաքրքիր անցավ։
Մենք երեկվա նման առավոտյան երևի 10։30 նստեցինք տրանսպորտ և ուղևորվեցինք դեպի Սևաբերդ։
Այնտեղ հասնելով, վերցրեցինք մեր սահնակները և բարձրացանք դեպի վեր։ Բարձրանալուց ոտքերը խորտակվում էին ձյան մեջ և որոշ տեղերում այն հասնում էր մինչև ծունկը։
Բարձրացանք, տեղավորեցինք մի տեղ պայուսակները և սահնակներով սկսեցինք իջնել։ Այստեղ` Ջրվեժի արգելոցի համեմատ ավելի մեծ էր դիքը և ավելի արագ էինք շարժվում։ Շատ զվարճալի էր։ Մեզ երկու֊երկու կամ մեկ֊մեկ էին նստացնում և մեզ բրդում էին, ինչից հետո մենք արագ սղում էինք։
Վերջում կերանք և հետ գնացինք ավտոբուսի մոտ։ Դրանից առաջ մոտիկ տաղավարում նստեցինք և մեր կոշիկների և գուլպաների միջի ձյունը թափ տվեցինք, հետո մտանք տրանսպորտ և հետ գնացինք դպրոց։
Այսօր շա՜տ զվարճալի և հետաքրքիր օր էր։
Առավոտը բոլորը գնացել էին ընդհանուր պարապմունքի, որից հետո` մինչև մոտավորապես 10։30 մենք պատրաստվում էինք ճամփորդությանը դեպի Ջրվեժի արգելոց։
Ճանապարհին ես և իմ ընկերները խաղեր խաղացինք և այդպես զվարճանում էինք ամբողջ ճանապարհի ընթացքում։
Երբ հասանք, հանեցինք երկու տեսակի սահնակները, որոնց հետ բարձրացանք դիքով` դեպի վեր։ Այնտեղ տեղավորեցինք պայուսակները և սկսեցինք սահել։ Բոլորը հերթով սահում էին և միմյանց օգնում էինք` հրելով։ Նաև մի քիչ ձնագնդիկ խաղացինք։
Հետո կերանք և հասավ գնալու ժամանակը։ Բոլորս նստեցինք տրանսպորտի մեջ և հետ գնացինք դպրոց։ Այդ ժամանակ դասերը արդեն վերջացել էին։
Այսօր ճամբարի առաջին օրն էր։
Այսօր մենք օրը սկսեցինք ընդհանուր պարապմունքին մասնակցելով։ Այն տևեց մինչև 9:30։
Հետո մենք գնացինք մեր դասարան, որտեղ քննարկեցինք դեպի Ջրվեժի արգելոց և Սևաբերդ ճամփորդությունները։ Նաև գրեցինք տեղեկատվական նյութեր դրանց մասին։
Հետո մենք բժշկական ամսագրում նոր նյութեր ավելացրեցինք։
Դրանից հետո` չորրորդ ժամը մեզ մոտ երգ էր։ Մենք կրկնեցինք մի քանի երգ, որոնք նաև լինում են ընդհանուր պարապմունքներին։
Ընդմիջումից հետո մենք հետ եկանք դասարան և ավարտին հասցրեցինք կիսատ աշխատանքները։
Նանե Խաչատրյան 