1.Մարտ ամսվա ընթացքում ստեղծված վիճակի հետևանքով տարածված ու հաճախ գործածվող երեք բառ ընտրել:

Կորոնավիրուս, դիմակներ, հիվանդանոց։

2.Հնարավորինս շատ տեղեկություններ հավաքել բառերի մասին:

Կորոնավիրուս — կորոնավիրուսը միաշղթա վիրուս է։ Առաջին անգամ հայտնաբերված 2019 թվականի դեկտեմբերին, Ուհանում 2019-2020 թվականների կորոնավիրուսի բռնկման ժամանակ։ 2020 թվականի հունվարի 20-ին Չինաստանի Գուանդուն նահանգում հաստատվել է, որ վիրուսը փոխանցվում է մարդուց մարդու։ Հայտարարվել է կորոնավիրուսի պանդեմիա։

Դիմակ — դիմակը միանգամյա օգտագործման բժշկական պարագա է, որը նվազագույնի է հասցնում օդակաթիլային եղանակով փոխանցվող վիրուսների տարածման ռիսկը: Այն դեմքի համար նախատեսված բերանն ու քիթը ծածկող դիմակ կապիչ է։ Որպես կանոն, բաղկացած է ֆիլտրող շերտից, որը տեղադրվում է երկու շերտերի միջև (եռաշերտ դիմակներ), և մեկ ֆիքսատորից, որն ապահովում է դիմակի՝ երեսին ամուր մնալը։

Հիվանդանոց — հիվանդանոցը հասարակական ստացիոնար բժշկական հաստատության տեսակ է, որի նպատակն է հիվանդների բուժումը և (կամ) հիվանադանոցային պայմաններում առաջացող հիվանդությունների մասնագիտացված խորը դիֆերենցիալ ախտորոշումը։ Զինվորական հիվանդանոցը կոչվում է հոսպիտալ։

3.Գտնել, թե օտար լեզուներում այդ բառերն ինչ տարբերակներ ունեն:

Կորոնավիրուս – Հայերեն

Коронавирус – Ռուսերեն

Coronavirus – Անգլերեն

Коронавірус – Բելառուսերեն

კორონავირუსი — Վրացերեն

الفيروس التاجي – Արաբերեն

Դիմակ – Հայերեն

Маска – Ռուսերեն

Mask – Անգլերեն

قناع – Արաբերեն

Masker – Հոլանդերեն

Maske – Գերմաներեն

Հիվանդանոց – Հայերեն

Больница – Ռուսերեն

Hospital – Անգլերեն

Krankenhaus – Գերմաներեն

Sjukhus – Շվեդերեն

Ziekenhuis – Հոլանդերեն

საავადმყოფო — Վրացերեն

4.Աշխատանքը դարձնել տեսանյութ:

Արդյունքներ` ուսումնասիրություններ, տեսանյութեր:

Մատյան տարածված բառերի եռյակ

ԱՌՑԱՆՑ ԿՐԹՈՒԹՅԱՆՍ ՄԱՍԻՆ

1.Գրի՛ր, թե ինչպես են անցել մինչ օրս ունեցածդ տեսադասերը, թե ինչով են դրանք յուրահատուկ, օգտակար կամ զվարճալի:

Տեսադասերը շատ օգտակար են և հետաքրքիր են անցնում։ Դասատուների հետ մենք անցնում ենք նոր թեմաներ, քննարկում ենք տնային աշխատանքները և ուսուցիչները ստուգում են մեր աշխատանքները։

2.Ներկայացրո՛ւ, թե ուսուցիչներդ ինչ ծրագրի միջոցով ու ինչպես են այն կազմակերպել:

Տեսդասերը մենք անում են Microsoft Teams ծրագրով։ Այս ծրագրի մեջ մեր դասարանը խումբ ունի, որտեղով ուսուցիչները մեզ զանգում են և գրում են։

3.Կազմի՛ր խորհուրդների ցանկ առցանց ուսուցման շրջանում արդյունավետ աշխատելու ու լավ սովորելու համար:

Իմ կարծիքով պետք է համոզվել, որ ինտերնետային կապը լավն է (WiFi-ը սենյակում լավ է բռնում), ուշադիր լսել դասերը, համոզվել, որ սենյակը աղմկոտ չէ, դասի ընթացքում նշումներ անել և նախապես դասին պատրաստ լինել։

4.Աշխատանքդ դարձրո՛ւ տեսանյութ:

Արդյունքներ` պատումներ, տեսանյութեր:

Տեսադասերի մասին

ԻՆՉ Է ՊԱՏՄՈՒՄ ԸՆԿԵՐՈՋՍ ԼՈՒՍԱՄՈՒՏԸ

1. Տան ցանկացած լուսամուտից մի կամ մի քանի լուսանկար անել: Ցանկալի է նույն տեսարանը նկարել օրվա տարբեր ժամերին:
2. Փոխանակվել դասընկերոջ հետ լուսամուտային լուսանկարներով:
3. Ընկերոջ կողմից արված լուսանկարները տեղադրել բլոգում` նշելով նրան:
4. Այդ լուսանկարների հիման վրա շարադրել մտքերը կամ որևէ պատմություն ստեղծել:

Սա Իրինա Գյուրջինյանի լուսամուտից նկարած տեսարանն է տարբեր ժամերին։

This slideshow requires JavaScript.

Այս տեսարանը շատ գեղեցիկ է։ Այն շատ է ինձ հիշեցնում գարունը։ Ամեն անգամ նայելուց այս լուսանկարներին նրանք դառնում են ավելի վառ և սիրուն։ Լուսամուտից երևացող տները շատ գեղեցիկ են և ինձ շատ են դուր գալիս այս գույները։

Ընթերցողական աշխատանքներ

• Փոքրիկ իշխանը — Անտուան դը Սենտ Էքզյուպերի
• Կոնան Դոյլ — Նոթեր Շերլոկ Հոլմսի մասին
• Ջանի Ռոդարի-Հեքիաթներ, որ երեք ավարտ ունեն
• Երեքը մի նավակում՝ չհաշված շունը — Ջերոմ. Ք. Ջերոմ
• Մարդկային կատակերգություն — Վիլյամ Սարոյան

Կարելի է ընտրել այլ գիրք` ըստ նախասիրության:

1. Ընտրել ընթերցանության նյութերից որևէ մեկը:
2. Բլոգում ստեղծել նյութ` վերնագրելով այն «Ինչ եմ ընթերցել այս շաբաթ»:
3. Գրել ստեղծագործության ամենատպավորիչ հատվածները, որոնք դուր են եկել:
4. Գրել, թե ինչ է սովորեցնում գործը, կամ որն է նրա կարևոր գաղափարը:

Ինչ եմ ընթերցել այս շաբաթ

Ես այս շաբաթ ես կարդացել եմ “Փոքրիկ իշխանը”։ Ինձ այն շատ է դուր եկել։ Ամենատպավորիչ մասն այնն էր, երբ հայտնվելով Փոքրիկ իշխանի հետ անապատում Անտուան Դե Սենտ Էկզյուպերին արդեն հույսը կորցրել էր և մտածում էր, որ առանց ջրի նրանք շուտով կմահանան, սակայն Փոքրիկ իշխանի հետ նրանք գտան գյուղի ջրհոր։ Կողքերում ոչ մի գյուղ չկար և դա շատ տարօրինակ էր։ Ջրհորում կար դույլ, թել և այլ անհրաժեշտ իրեր։ “Փոքրիկ իշխան” գործը սովորեցնում է մեզ, որ պետք է ընկերներին հավատարիմ լինել, պետք է պատասխանատու լինել նրանց համար, ում մենք ընտելացրել ենք, սովորեցնում է սեր և բարեկամություն, հավատալ հրաշքների և հիշել ընկերներին և այլն։

• Ընտանիքի անդամներից մեկի հետ պատրաստում ենք տեսանյութ:
• Այնտեղ ներկայացնում ենք տասը ամենակարևոր ու տպավորիչ փաստերը, որոնք պետք է իմանալ Չարենցի մասին:
• Փաստերի ընտրությունը մենք ինքներս ենք կատարում:

Արդյունքը` տեսանյութեր:

1. Չարենցի իակական անունն է Եղիշե Սողոմոնյան։
2. Չարենցի պատանեկան տարիների մտերիմերը Չարենց անվանումը բացատրում են, նրանով, որ նա փոքր ժամանակ շատ աշխույժ և չար երեխա է եղել: Տանը նրան այնքան են չար անվանել, որ անունը Չարենց էլ մնացել է:
3. 1912թ. Թիֆլիս լույս տեսնող «Պատանի» ալմանախում տպագրվում է Չարենցի առաջին բանաստեղծությունը:
4. Չարենցը շատ ընթերցասեր էր և օրվա մեծ մասը կարդում էր:
5. Չարենցը շատ խիստ էր կենցաղում, հրաման էր տվել, որ ճանճերը սենյակ չմտնեն, բայց ճանճերը կարդալ չգիտեին ու պատուհանից էին մտնում:
6. Չարենցի դեմ պայքար էր ծավալվել և նրան նստացրել էին տնային կալանքի մեջ։ Այնուհետև 1937թ-ի հուլիսին նրան բանտ են գցում, իսկ նոյեմբեևրի 28-ին սպանում են։ Անհայտ է, թե այդ սպանությունը բանտում է տեղի ունեցել, թե այլ տեղ։
7. Տնային կալանքի ժամանակ Չարենցը ուժեղ ցավեր է ունեցել և Ավետիք Իսահակյանը նրա համար ցավազրկող դեղ է գտել։
8. 1997թ-ին <<Մոլորակ>> հանդեսում մի հոդված է դուրս գալիս, որտեղ նկարագրվում էր, թե Չարենցը իրականում ինչպես է մահացել։ Հավանաբար նրան գնդակահարել են Ֆանտան գյուղի մոտ և թաղել մի փոսի մեջ։
9. Չարենցի գերեզմանը դեռևս չեն գտել։
10. Վերջերս հայտնել են, որ Երևան-Սևան մայրուղու ձախ կողմում Հրազդան գետի կիրճում հայտնաբերված ոսկորները ենթադրաբար պատկանում են Եղիշե Չարենցին։

Հետաքրքիր փաստեր Չարենցի մասին

• Համացանցից օգտվելով` գտնում ենք խուճապ բառի բացատրությունները, հոմանիշները, օտար լեզուներում առկա տարբերակները`օգտվելով տարբեր օնլայն բառարաններից:
• Գտնում ու հավաքում ենք նաև տեղեկություններ խուճապ երևույթի մասին: Գտնում ենք, թե հոգեբանությունն ինչպես է այն բացատրում:
• Ամենակարևորները ներկայացնում ենք տեսանյութում, որն ավարտում ենք հետևյալ խոսքերով`«Ապրե՛ք առանց խուճապի և հիշեք`խուճապը կարող է ավելի մեծ ավերածություններ պատճառել, քան բուն աղետը»:

խուճապ

ԽՈՒՃԱՊ

Խուճապ, խմբային կամ զանգվածային սարսափ, որն անմիջականորեն պայմանավորված է արտաքին գործոններով, խմբի մեկ անդամից մյուսին է անցնում և ուժեղանում է ընդօրինակման հոգեկան մեխանիզմի օգնությամբ։ Խուճապը հանգեցնում է իմպուլսային անկազմակերպ գործողությունների (օրինակ՝ փախուստի կամ ագրեսիվության դրսևորումների)։

Խուճապ ամենից հաճախ դիտվում է պատերազմների, բնության արհավիրքների, աղետալի իրադարձությունների ժամանակ։

Խուճապը նշանակում է մեկին կամ շատերին միաժամանակ տիրող հանկարծական անհաղթահարելի երկյուղ, տագնապ կամ այդպիսի երկյուղից առաջացած ընդհանուր հուզմունք՝ իրարանցում, տագնապալից վիճակ, տագնապ, շփոթություն, իրարանցում, շփոթ, խռովք, խուճապանք։

Խուճապի ժամանակ մարդը ունի օդի պակասի և գլխապտույտի զգացողություն, սրտի արագ աշխատանք, սրտխփոց, դող և ուժեղ քրտնարտադրություն։

Հռոմի Ֆրանցիսկոս պապի ուղերձը

Այսօր՝ քնելուց առաջ, մտածեք այն օրվա մասին, թե երբ կրկին դուրս կգանք փողոց: Այն մասին, թե երբ կրկին կգրկախառնվենք, իսկ ընտանիքով առևտուր անելու հնարավորությունը իրական տոն կթվա:

Կմտածենք այն օրվա մասին, թե ինչպես մեր կյանք կվերադառնան սուրճը՝ սրճարաններում, գրկախառնությունները, միմյանց հպված մարդկանց լուսանկարները:

Կմտածենք այն մասին, թե ինչպես իրողությունն անցյալ կդառնա, իսկ մեր բնականոն կյանքը՝ նվեր՝ անսպասելի և հիասքանչ:

Մենք կսիրենք այն ամենը, ինչ մինչ օրս թվում էր բնականոն մի բան, կգնահատենք ամեն վայրկյանը. ծովափում լողալը, արևածագը, արևամուտը, կենացներն ու ժպիտները:

Մենք կրկին միասին կծիծաղենք:
Ուժ և քաջություն ձեզ:
Շուտով կհանդիպենք:

Իմ կարծիքով Հռոմի պապը շատ ճիշտ է ասում, որովհետև իրոք կորոնավիրուսի պատճառով շատերը ստիպված են տանը մնալ և իսկական տոն կլինի հին կյանքին վերադառնալ։

Կորոնագրաֆիկ, կորոնադիագրամ

Ընթացքը՝ Սովորողները մտնում են հետևյալ հղմամբ, ընտրում են 10 պետություն և նրանց վարակակիրների քանակը: Կազմում են դիագրամ, կառուցում համապատասխան գրաֆիկ: Այնուհետև որպես նկար տեղադրում են բլոգում: